SIMPLICIUS Cilix

SIMPLICIUS Cilix

Graecus Aristotelis interpres, Iustini et Iustiniani temporibus floruit. Praeceptores suos agnoscit Ammonium ad l. 1. φυσ. ἀκρ. com. 12. et Damascium ad l. 4. φυσ. ἀκρ. Adversarium habuit et coaetaneum Io. Grammaticum, a labore assiduo Philoponum dictum, quem refutat ad l. 8. φυσ. ἀκρ. In Persidem aliquando profectus est cum Damascio Syro, Eulalio Phryge, Prisciano Lydo, Hermia ac Diogene Phoenicibus, et Isidoro Gazaeo Philosophis, teste Suidâ. Scripsit Commentar. in Iamblichum, librum de secta Pythagorica, qui in Vaticana asservatur Bibliotheca, teste Gesnerô. Nic. Lloyd.